Pleanáil chun cinn d'éigeandálaí aimsire

Má tá tú ullamh don adhaimsir, cuidíonn sé leat tú féin, do chuid aíonna agus do réadmhaoin a chosaint.

Cuireann Americares, eagraíocht fóirithinte agus forbartha a dhíríonn ar shláinte, na leideanna seo ar fáil chun tacú le haíonna agus chun damáiste do réadmhaoin a laghdú le linn hairicíní, tornádónna agus tonnta teasa.

D'fhéadfadh sé nach mbeadh eolas ag aíonna ar an aeráid áitiúil ná ar cad atá le déanamh i gcás éigeandáil aimsire.  Seo roinnt bealaí chun tacú leo, de réir Americares.

Scríobh nó priontáil eolas tábhachtach agus fág in áit fheiceálach é.

• Teagmhálaithe éigeandála: Liostaigh uimhreacha fóin seirbhísí póilíneachta, dóiteáin agus otharchairr mar aon leis an líne éigeandála náisiúnta (amhail 911, 999 nó 112).
• Seoladh na réadmhaoine: Tabhair seoladh sráide iomlán d'áite, mórshráideanna nó sainchomharthaí, agus ainm na comharsanachta, an cheantair nó an chreasa.
• Foscadán stoirme: Luaigh an áit le dul ar foscadh le linn tornádó nó hairicín, amhail an t-íoslach nó seomra taobh istigh nach bhfuil fuinneoga nó spéirléasacha ann. 
• Léarscáil den cheantar: Taispeáin bealaí féideartha aslonnaithe, foscadáin aslonnaithe phobail agus ionaid fuarúcháin. Luaigh na suíomhanna a cheadaíonn peataí.

Cuir an aimsir shéasúrach san áireamh i do liostú, i do theachtaireachtaí agus i do pholasaí cealaithe.

• Rialacha tí: Cuir sonraí bunúsacha leo faoin aimsir shéasúrach. Mar shampla, “Bíonn séasúr na hairicíní ann ó mhí an Mheithimh go mí na Samhna de ghnáth. Lean réamhaisnéisí ar an aimsir agus treoracha a eisíonn oifigigh áitiúla."
• Freagraí tapa agus teachtaireachtaí sceidealaithe: Bain úsáid as na huirlisí i do chluaisín Teachtaireachtaí a shábháil chun leideanna is féidir leat a roinnt nuair a thuartar adhaimsir. Mar shampla, d'fhéadfá freagra tapa a chruthú ina molfá áit le fuarú le linn tonn teasa.
• Polasaí cealaithe: D'fhéadfadh guaiseacha breise a bheith ag baint le hadhaimsir ag áiteanna gan aerchóiriú agus ag áiteanna fanachta uathúla amhail carbháin, pubaill agus tithe crainn. Nuair a chuireann tú polasaí cealaithe solúbtha ar fáil, bíonn níos mó solúbthachta ag aíonna le pleanáil de réir réamhaisnéisí.

Is iondúil gurb é an polasaí cealaithe a roghnaíonn tú do do liostú a chinneann aisíocaíochtaí d'aíonna as áirithintí a chuirtear ar ceal, mura n-aontaíonn tú féin agus an t-aoi a mhalairt. Má chuireann teagmhas mórscála ag suíomh na háirithinte cosc nó toirmeasc dlíthiúil ar chríochnú áirithinte, d'fhéadfadh Polasaí Airbnb um Mórtheagmhais Shuaiteacha a bheith i bhfeidhm. 

Nuair a bhíonn feidhm ag an bPolasaí um Mórtheagmhais Shuaiteacha, is féidir leat áirithint a chur ar ceal gan táillí ná drochiarmhairtí, agus cuirfear bac ar fhéilire an liostaithe ar na dátaí sin. Is féidir le haíonna a ndeachthas i gcion ar a n-áirithint an áirithint a chur ar ceal agus aisíocaíocht iomlán a fháil freisin. Má chuireann tú féin nó d'aíonna áirithint ar ceal atá cumhdaithe ag an bpolasaí, ní bhfaighidh tú eisíocaíocht.

Molann Americares teachtaireachtaí a chur chuig d'aíonna faoi threoracha aimsire. Is féidir leat acmhainní áitiúla a mheabhrú dóibh agus leideanna a roinnt chun iad féin a chosaint le linn a bhfanachta.

Cuidíonn feabhsuithe síonfhriotaíocha le damáiste don réadmhaoin a laghdú le linn hairicín nó tornádó agus le d'áit a dhéanamh níos compordaí le linn tonn teasa. Molann Americares na céimeanna seo chun d'áit a chothabháil agus a dhaingniú.

Seans gur athraigh an t-eolas atá sa mhír seo ó foilsíodh í.