Tá sé níos éasca ná riamh saoráidí a chur leis agus iad a chur in eagar

Is féidir le mionsonraí beaga liostaithe, idir an cineál caife a bhfaighidh aoi agus an radharc a bheidh os a gcomhair amach gach maidin, tionchar mór a imirt ar thuras. Ba mhian linn é a dhéanamh níos éasca duit níos mó a insint d’aíonna ionchasacha faoi na saoráidí ar leith atá i do spás, rud a chabhróidh leat ionchais a shocrú agus fanacht cúig réalta a chur ar fáil. Sin an fáth a bhfuil níos mó ná 40 rogha saoráidí nua á gcur leis againn, chomh maith le bealaí nua le bheith níos sainiúla agus do chuid sonraí liostaithe á gcur in eagar.

B’fhéidir gurb é radharc na foraoise taobh amuigh d’fhuinneog do sheomra suí nó leathanradharc ar an aigéan ó do sheomra gréine an ghné de do theach a bhfuil tú bródúil aisti, agus, mar sin de, chuireamar “radharc álainn” leis na roghanna saoráidí. Anois is féidir le do theach seasamh amach, cibé más radharc sléibhe atá uaidh nó radharc ar loch, nó fiú leathradharc ar loch. Beidh aíonna in ann liostuithe a aimsiú a bhfuil an radharcra is fearr leo—agus beidh tú in ann ionchais réalaíocha a leagan síos maidir leis an radharc.

Is féidir leat radharc álainn a chur leis sa chuid ‘Sonraí Liostaithe’ de Bainistigh Do Spás ach do liostú a roghnú le hé a chur in eagar.

Cibé an bhfuil cistin amuigh faoin aer, paitió, nó cumascóir le haghaidh caoineoga na maidine i do spás, ba mhian le haíonna eolas a fháil faoi. Seo roinnt de na roghanna saoráidí nua is féidir leat a roghnú:

• Rochtain ar an trá
• Rochtain ar ionad saoire
• Trealamh aclaíochta
• Ámóg
• Ábhair léitheoireachta

Nuair a bhíonn a fhios ag aíonna cad a bheidh rompu le linn an fhanachta, is féidir leo pleanáil chun tosaigh. Agus tá sé ríthábhachtach ionchais a leagan síos: D'fhoghlaimíomar ónár Sáróstaigh nach gá go mbeadh do réadmhaoin foirfe—ach tá sé ríthábhachtach a rá go díreach le haíonna cad a gheobhaidh siad nuair a thiocfaidh siad.

Rinneamar na saoráidí a bhfuil is mó tóir a chur le chéile chun cabhrú leat iad a aimsiú agus a roghnú go simplí. Mar shampla, is féidir leat a chur in iúl anois go bhfuil Wi-Fi, teilifíseán, spás oibre tiomnaithe, meaisín níocháin, aerchóiriú, agus go leor eile agat—iad ar fad in aon rannán amháin.

Leanamar orainn ag cur saoráidí le chéile de réir áite ionas gur féidir leat gach ceann de do shaoráidí cistine a roghnú ag an am céanna, ach chuireamar an rannán saoráidí a bhfuil móréilimh orthu leis chun é a dhéanamh níos simplí a rá le haíonna go bhfuil na gnéithe a bhíonn á gcuardach acu go minic agat.

Roimhe seo ar Airbnb, d’fhéadtaí an ghné saoráidí a úsáid chun a chur in iúl d’aíonna go gcuireann tú spás atá tiomnaithe don obair ar fáil nó spás lasmuigh amhail paitió. Ach anois is féidir leat níos mó sonraí a thabhairt d’aíonna ionchasacha. Mar shampla, d'fhéadfá a rá go bhfuil deasc, monatóir, cathaoir oifige nó bord ann chun go n-aimseodh cianoibrithe áit a oireann dóibh agus is féidir leat a chur in iúl d’aíonna cé acu atá do phaitió príobháideach nó comhroinnte.

Féadfaidh tú a bheith níos sonraí freisin maidir le roinnt saoráidí eile, ina measc sin:

• Seirbhísí agus gléasanna sruthaithe, ina measc sin Apple TV, Netflix, Disney+ agus eile
• Déantóir caife, cibé acu silghléas caife, Keurig nó meaisín espresso atá ann
• Fulacht, bíodh sin ina fhulacht gualaigh nó ina fhulacht dóite adhmaid
• Teallach laistigh, bíodh sé ina theallach leictreach nó ina theallach dóite adhmaid, mar shampla
• Córais téimh agus fuaraithe

Má athraíonn na saoráidí ag do liostú, tá sé níos éasca anois iad a nuashonrú go tapa, rud a ligfidh duit leanúint ar aghaidh ag díriú ar na rudaí is fearr a dhéanann tú—ag cur fáilteachas iontach ar fáil do do chuid aíonna.