An leithchreal a phlé ag C&F d'Óstaigh Airbnb

Ag Airbnb, bíonn seisiúin rialta againn lenár n-óstaigh chun comhráite tábhachtacha a bheith acu faoi na hábhair is tábhachtaí dóibh. Cibé acu rátálacha suímh nó léirmheasanna óstach atá á bplé againn, bíonn roinnt rudaí i gcoiteann ag na seisiúin seo—bíonn siad macánta neamhbhalbh agus is féidir leo aghaidh a thabhairt ar thopaicí casta.

I mí Dheireadh Fómhair 2018, d'athraigh Airbnb an chaoi a dtaispeántar grianghraif phróifíle aíonna chun cinnteoireacht níos oibiachtúla a spreagadh sa phróiseas áirithinte. Ní thaispeántar grianghraif phróifíle na n-aíonna anois ach i ndiaidh go ndeimhnítear an áirithint.

Chuir roinnt óstach imní in iúl faoin nuashonrú, ag cur béime ar an ról luachmhar is féidir a bheith ag grianghraif maidir le heolas a sholáthar dóibh faoina n-aíonna. Ach mhol go leor daoine eile, amhail Dennis, an nuashonrú, ag léiriú conas is féidir le grianghraif cur le leithcheal.

“Bhí go leor aíonna agam a tháinig chugam agus a dúirt, ‘An fáth ar roghnaigh mé tusa [le bheith i m'óstach] ná go raibh a fhios agam nach ndiúltófaí mé mar gheall ar cé mé féin,'” arsa Dennis.

Chuir Laura Chambers, a bhí ina Bainisteoir Ginearálta ar Airbnb ag an am, clabhsúr ar an bplé agus d'admháil sí go bhfuil comhráite faoin leithcheal casta dúshlánach, ach go bhfuil siad riachtanach freisin. Is féidir go mbeadh sé deacair labhairt faoin leithcheal, ach caithfimid aghaidh a thabhairt air—le chéile—sular féidir linn dul ina aghaidh.

Táimid ar fad claonta. Ach is féidir le cuideachtaí amhail Airbnb cabhrú le huirlisí a chruthú a chuidíonn le daoine gan cinntí claonta a dhéanamh—agus is é sin an fáth a rinneamar gealltanas in 2016 chun meastóireacht a dhéanamh ar an gcaoi a dtaispeánfaimid grianghraif phróifíle aíonna sa phróiseas áirithinte. Ní thaispeántar grianghraif phróifíle na n-aíonna d'óstaigh anois go dtí go ndeimhnítear áirithint, rud a spreagann cinnteoireacht níos oibiachtúla ó na hóstaigh.

Chinneamar ar an gcomhairle sin i ndiaidh dúinn páirt a ghlacadh i roinnt comhráite le hóstaigh agus le haíonna. Cé go gcuireann formhór na n-aíonna grianghraf ar fáil, dúirt cuid acu linn nach mian leo pictiúr díobh féin a roinnt nuair a bíonn siad ag déanamh áirithinte. Aithnímid an imní atá orthu maidir leis an bhféidearthacht go mbainfí mí-úsáid as grianghraif ar bhealach a sháródh ár bpolasaí neamhleithcheala.

Ag an am céanna, d'inis óstaigh dúinn gur mór acu grianghraif phróifíle toisc gur féidir le pictiúir cabhrú le hóstaigh agus le haíonna aithne a chur ar a chéile sula dtosaíonn an turas agus cabhrú le hóstaigh aíonna a aithint nuair a sheiceálann siad isteach. Ina theannta sin, chonaiceamar conas is féidir le grianghraif a bheith ina n-uirlis úsáideach chun muinín a fheabhsú agus pobal a chur chun cinn.

Chun níos mó smachta a thabhairt d'óstaigh cosúil leatsa sa phróiseas seo agus chun cabhrú leat muinín a chothú le haíonna roimh thuras, is féidir leat:

• A éileamh go gcuirfidh aíonna ID rialtais ar fáil do Airbnb sular féidir leo do liostú a chur in áirithe
• Teachtaireacht a chur chuig aíonna chun ceist a chur orthu maidir le cuspóir a dturais
• Iniúchadh a dhéanamh ar léirmheasanna roimhe seo chun tuilleadh eolais a fháil faoin méid a bhí le rá ag óstaigh eile faoin eispéireas a bhí acu le haoi
• A éileamh go mbeidh grianghraf próifíle ag aíonna, cé nach mbeidh an grianghraf le feiceáil go dtí go nglacfar le háirithint

Cabhraíonn na céimeanna seo le hóstaigh a chumhachtú agus iarrann siad leithcheal a laghdú ag an am céanna. Chomh maith leis sin, chruthaíomar foireann uirlisí a mhíníonn cineálacha difriúla claontachta agus steiréitíopála, conas a d'fhéadfadh tionchar a bheith acu ar eispéireas baill den phobal ar ardán Airbnb, agus an méid is féidir leat a dhéanamh chun iad a shárú.

Ach tá níos mó oibre le déanamh fós, agus tá a fhios againn nach bhfuil anseo ach ceann amháin de go leor díospóireachtaí tábhachtacha. Leanfaimid orainn ag bualadh le hóstaigh chun tuilleadh eolais a fháil maidir le conas is féidir linn oibriú le chéile chun cabhrú le daoine ó gach cúlra a bheith sábháilte, a mhothú go bhfuil meas orthu agus fáilte rompu.