Aghaidh a thabhairt ar ghéarchéim na hÚcráine le tacaíocht láithreach

Sa tseachtain tar éis don Rúis ionradh a dhéanamh ar an Úcráin, bhí Rafał, taibheoir agus Óstach, in ann a thionchar a bhrath ar a bhaile dúchais, Wrocław, in iardheisceart na Polainne. Carnadh boscaí soláthairtí deonaithe taobh amuigh de lárionad cultúrtha Úcránach ina chomharsanacht. Chuala sé Úcráinis á labhairt ar na sráideanna agus sna siopaí.

Ba ghearr go raibh tréimhsí fanachta míosa curtha in áirithe ag trí theaghlach ón Úcráin, ceann i ndiaidh a chéile, ag an teach a liostaíonn sé ar Airbnb. Agus imní air faoi tháillí a ghearradh ar dhaoine a bhí ag teitheadh ó chogadh, rinne Rafał teagmháil le seirbhís do chustaiméirí Airbnb, fuair sé amach go raibh Airbnb.org in ann a chuid iarrachtaí a fhóirdheonú, agus chláraigh sé.

De réir Comhairle na NA um Chearta an Duine, theith beagnach 7 milliún duine ón Úcráin sna sé mhí tar éis an ionraidh i bhFeabhra 2022. Tháinig na milliúin teaghlach chuig cathracha ar fud na hEorpa, agus gan ach cúpla mála acu agus tuairim ar bith acu cén uair a bheadh siad in ann filleadh ar an mbaile.

Mar fhreagairt ar an ngéarchéim, chuir Airbnb.org glaoch amach chuig a chomhpháirtithe neamhbhrabúis agus ar phobal domhanda na nÓstach: An féidir leat cabhrú linn tithíocht shealadach a chur ar fáil do suas le 100,000 duine atá ag teitheadh ón Úcráin?

Ó shin i leith, bhain Airbnb.org an sprioc sin amach, a bhuí le rabharta domhanda tacaíochta ó Óstaigh, ó dhaoine a thug airgead do Airbnb.org, agus ó na heagraíochtaí daonnúla atá ag cabhrú le daoine ar an talamh.

Is Óstaigh sheanbhunaithe de chuid Airbnb iad roinnt de na daoine a d'fhreagair an glaoch, amhail Rafał, agus cuireann siad áiteanna fanachta ar fáil ar lascaine trí Airbnb.org le linn na géarchéime seo. Bhí daoine eile, amhail Mary, eolaí sonraí Meiriceánach a bhfuil cónaí uirthi i mBeirlín, i measc an 40,000 Óstach nua a chinn ar áiteanna fanachta saor in aisce nó ar lascaine a thairiscint d'aíonna, ar dídeanaithe iad, trí Airbnb.org.

Deir Rafał gur baineadh geit uafásach as gach duine ar a aithne sa Pholainn nuair a thosaigh ionradh na hÚcráine, ach bhí iontas air cé chomh tapa agus a d'fhreagair a chairde agus a chomharsana teacht na ndaoine a bhí ag teitheadh ón gcogadh. Thug daoine bia ag stáisiún traenach Wrocław agus bhailigh siad soláthairtí chun iad a sheachadadh chuig teorainn na hÚcráine.

Thosaigh sé ag eagrú ócáid cheoil lena chomhghleacaithe chun airgead a bhailiú, ach theastaigh uaidh bealach níos láithrí a aimsiú chun cuidiú le daoine. “Tá sé ar cheann de na rudaí is measa gan áit le fanacht, gan áit le codladh agat, gan áit le teacht ar ais chuige a bheith agat,” ar seisean.

Tá Rafał ag liostú a thí go fóill trí Airbnb.org chun fáilte a chur roimh aíonna atá easáitithe mar gheall ar ghéarchéimeanna. Chuidigh sé freisin ateangaireacht go Polainnis a dhéanamh ar sheimineáir ghréasáin Airbnb.org.

I mBeirlín, thart ar 350 ciliméadar (215 míle) siar ó thuaidh ó Wrocław, lean Mary an nuacht maidir le hionradh na hÚcráine. Nuair a chonaic sí glaoch Airbnb.org chun gnímh ar líne, liostaigh sí a hárasán saor in aisce.

Rinne ball foirne ón Eagraíocht um Dhídean, Tearmann agus Imirce (ORAM), comhpháirtí de chuid Airbnb.org, teagmháil léi. Mar a thuairiscigh go leor soláthraithe nuachta, tá an meon frith-LADTA+ san Úcráin agus i roinnt tíortha máguaird i ndiaidh cur le leochaileacht daoine LADTA+ a easáitíodh le linn na coinbhleachta seo. D'fhiafraigh ionadaí ORAM de Mary an bhféadfadh beirt daoine trasinscneacha fanacht ag a háit.

Bhí Mary sásta aíonna LADTA+ a óstáil. “Bhí a fhios agam go raibh m'árasán ina spás an-sábháilte dóibh,” ar sise.

Go luath tar éis do chéad aíonna Mary imeacht, tháinig Dima chun fanacht ar feadh coicíse. Is fear aerach é Dima atá sna fichidí agus a bhí ina chónaí i gCív nuair a thosaigh na Rúisigh ag buamáil na cathrach. Chabhraigh eagraíocht gnáthphobail darb ainm Safebow le Dima agus a lena chat, Peach, taisteal tríd an bPolainn go Beirlín. Nuair a bhí sé ansin, chabhraigh ORAM leis tithíocht a fháil agus clárú le haghaidh seirbhísí sóisialta.

Tar éis turas lán constaicí, bhí faoiseamh ar Dima nuair a bhain sé árasán Mary amach. “Bhí mé trína chéile na chéad laethanta sin,” ar seisean. “Níl a fhios agam fiú cén chuid a bhí ní ba thábhachtaí dom: a bheith i spás sábháilte nó an méid tacaíochta atá á fháil agam a thuiscint.”

Bhí Mary as baile an chéad seachtain a d'fhan Dima. Nuair a d'fhill sí ar Bheirlín, réitigh an bheirt go maith lena chéile. Chaith siad na huaireanta fada timpeall a boird chistine, ag roinnt béilí agus ag ól beoracha. D'fhan siad i dteagmháil lena chéile nuair a d'aistrigh sé go hárasán eile.

“Chuir sé go mór le mo thús anseo,” arsa Dima.

Bíonn Mary ag machnamh i gcónaí ar cé chomh héasca is a bhraith an óstáil. “Ní dhearna mise aon rud as an ngnáth,” a mhaíonn sí. “Chuaigh mé sa seans. Níor cuireadh isteach orm ach beagán."

Cuireann sí é sin i gcodarsnacht leis na scéalta a roinn a haíonna: “Smaoiním ar bheith ag déileáil le [rudaí] in áit choimhthíoch, áit nár roghnaigh mé a bheith, scartha ó mo theaghlach. Is sin atá éachtach. Tá sé sin deacair.”

Ní raibh Mary ag súil le cairdeas a dhéanamh lena haíonna, ach tá lúcháir uirthi mar gheall ar an muitearas a d'fhorbair.

“Cuid mhaith den am, leis an dua a chaithimid, ní bhímid i gcónaí in ann na torthaí a fheiceáil,” ar sise. "Ach leis seo, d'fhéadfainn difríocht a dhéanamh i saol duine amháin ar a laghad."