Rúin ó Sháróstach a bhfuil taithí aige nó aici

Bhí Nikki ar dhuine de na chéad óstaigh ar Airbnb a shaothraigh Stádas mar Sháróstach nuair a seoladh an clár den chéad uair in 2014. Choinnigh sí an stádas sin ar feadh níos mó ná 16 ráithe as a chéile.

Conas a dhéanann Nikki é? D’fhoghlaim sí faoin óstáil ón mbonn aníos, ag tosú le teachín beag bídeach ina cúlchlós féin in San Francisco. D'éirigh chomh maith sin leis an liostú aonair sin gur spreagadh í chun leathnú amach chun a teach iomlán, a bhfuil trí sheomra leapa, a ligean ar cíos le linn saoire teaghlaigh.

Is anseo a roinneann Nikki rúin a ratha mar Sháróstach.

“Sé bliana ó shin, d’fhan mé i mo chéad Airbnb in Provence, an Fhrainc, agus thaitin sé go mór liom. Stiúideo beag bídeach a bhí ann i seanbhaile Aix. Chomhlíon sé ár gcuid riachtanas, ach ní dhearna na hóstaigh mórán iarrachta le go mbeadh sé níos gleoite. Thuig mé dá gcuirfinn beagán airgid isteach ann, go bhféadfainn rud éigin thar a bheith speisialta a dhéanamh leis an teach aíochta beag 200 troigh cearnach i mo chúlchlós. Ghlac mé leis nach gcuirfí in áirithe rómhinic é, ach bhí iontas orm nuair a cuireadh in áirithe é láithreach bonn ar feadh seachtain iomlán."

“Gach uair a chuirim liostú nua ar líne, tosaím le praghas liostaithe tosaigh atá thart ar 50–70% de ráta an mhargaidh, go dtí go mbeidh trí léirmheas ar a laghad agam (nó go dtí go bhfaighidh mé an oiread sin iarratas ar áirithint ionas go mbeidh mé in ann an praghas a ardú go rátaí an mhargaidh). Déanaim é seo ionas gur féidir liom na deacrachtaí beaga sin a oibriú amach gan léirmheasanna maithe a íobairt, agus toisc go bhfuil sé tábhachtach slám léirmheasanna a fháil a luaithe is féidir ionas go mbeidh an liostú le feiceáil níos airde i ranguithe cuardaigh."

“Tosaíonn sé ar fad le spás maith. Ní mór go mbeadh sé glan. Is maith liom nuair a bhíonn na spásanna oscailte agus fairsing. Áit nach bhfuil mórán tranglaim, ach áit a bhfuil dearadh a tharraingíonn do shúile. Ní mór go mbeadh sé compordach freisin, go háirithe na leapacha. Caithim airgead maith ar thochtanna cúr cuimhne, agus is breá le daoine iad. Is cleachtadh ionbhá é i ndáiríre. Siúlann tú tríd an spás agus smaoiníonn tú ar an gcaoi a n-úsáidfidh daoine é, ansin cuireann tú an áit in oiriúint don choincheap dearaidh sin."

“Is mór an difríocht a dhéanann grianghraif mhaithe a bheith agat. Tá grianghraif ghairmiúla riachtanach. Smaoiním ar a bhfuil sa spás, cibé acu is spás teaghlaigh é nó an bhfuil sé oiriúnach do chineál áirithe taistealaí, agus cuirim é sin sa teideal. Scríobh cur síos an-mhaith atá an-mhionsonraithe agus fáilteach, ionas go mbeidh tú ag tarraingt duine isteach sa liostú. Déan cur síos ar na leapacha, na héadaí leapa, brandaí de chineálacha áirithe gallúnaí nó saoráidí atá á gcur ar fáil agat."

“Bí cinnte agus luaigh na rudaí corra atá ann i do réadmhaoin. Mínigh iad go macánta soiléir, gan beaguchtach a chur ar dhaoine. Níor mhiste duit go leor trédhearcachta a chur ar fáil chun cabhrú le d’aíonna an réadmhaoin atá uathu a roghnú.”

"tá an chumarsáid ar an ngné is tábhachtaí ar fad den dea-óstáil, dar liom. Tosaíonn do chumarsáid dhíreach le haoi leis an gcéad fhiosrúchán. Cuirim cúpla ceist eile i gcónaí ar aíonna ionchasacha tar éis gach iarratais ar áirithint, gan a bheith drochbhéasach nó rófhiosrach, ach a chinntiú go bhfuil an liostú oiriúnach go maith dóibh. I ndáiríre, bíonn tú ag cur tús leis an bpróiseas chun léirmheas 5 réalta a fháil ag an bpointe sin."

“Is é an rud is mó a chuir ionadh ormsa ná a iontaí a bhí na haíonna. Bhí daoine iontach macánta, cineálta agus tuisceanach. Agus ó thaobh an airgid de, chuir an t-ioncam iontas orm. Nuair a thosaigh mé amach, ní raibh mé ag súil go n-éireodh chomh maith leis agus a d'éirigh, gan trácht ar shlí bheatha a dhéanamh de. Dhírigh mé aird ar na rudaí a thaitníonn go mór liom faoi óstáil agus thapaigh mé na deiseanna nuair a chonaic mé iad, agus tá ag éirí go maith leis."