Seiceáil isteach shimplí a chur ar bun a oibríonn gach uair

Mar chuid de na príomhrialacha d'Óstaigh, ba cheart duit an t-eolas a theastaíonn ó aíonna chun rochtain a fháil ar d'áit ag an tseiceáil isteach agus le linn a bhfanachta a thabhairt dóibh. Is minic a chuireann Óstaigh rathúla féinseiceáil isteach ar fáil, ag baint úsáid as gléasanna amhail glais chliste, eochaircheapa nó boscaí glais, agus bíonn plean cúltaca acu ar eagla go rachadh rud éigin mícheart.

Socraigh seiceáil isteach shimplí agus tástáil é lena dheimhniú go n-oibreoidh sé do gach aoi, gach uair.

• Úsáid aip Airbnb chun treoracha céim ar chéim don tseiceáil isteach a chur le do liostú. Iarrfaidh an aip ort grianghraif de do phróiseas don tseiceáil isteach agus nótaí gearra teagaisc a chur ar fáil a mbeidh rochtain éasca ag aíonna orthu.

• Cuir isteach do sheoladh ceart agus sainigh do shuíomh ar an léarscáil. Má tá d'áit iargúlta nó mura bhfuil aon seirbhís fóin in aice láimhe, cuir treoracha beachta leis chun nach rachaidh aíonna ar seachrán.

• Seol treoracha don tseiceáil isteach trí lá roimh ré. Deimhnigh le haíonna go bhfuair siad iad agus fiafraigh an bhfuil ceisteanna ar bith acu.

• Bí ar fáil ag an am don tseiceáil isteach. Má theipeann ar aon rud, níor mhiste duit a bheith ar fáil ionas gur féidir leat fadhbanna a réiteach láithreach.

Bealach amháin le seiceáil isteach a éascú is ea glas cliste nó eochaircheap a shuiteáil trínar féidir le haíonna an glas a bhaint den doras tosaigh le cód. Roimh gach seiceáil isteach, is féidir leat an cód a athrú agus uimhir uathúil a sheoladh chuig an aoi.

Athsheiceáil go rialta go bhfuil gach córas ag obair. Cé acu a bhíonn tú ag brath ar ghléasanna nó ag beannú d'aíonna go pearsanta, is fearr bosca glais a bheith agat ina bhfuil eochair chúltaca.