Comhairle do Sháróstaigh maidir le fáilte a chur roimh aíonna IADTA+

Beimid ag roinnt na nuashonruithe is déanaí ó Bhord Comhairleach na nÓstach gach mí agus beimid ag cabhrú leat aithne a chur ar bhaill an bhoird.

Heileo, a charide,

Is mise Peter Kwan, Sáróstach in San Francisco agus is ball de Bhord Comhairleach na nÓstach mé. Tá mé ag feachtasaíocht ar son an phobail óstála—lena n-áirítear grúpaí a ndéantar dearmad orthu go minic sa tsochaí, amhail seanóirí agus baill den phobal IADTA+—ó thosaigh mé amach mar Óstach beagnach 10 mbliana ó shin.

Mar cheiliúradh ar Bhród, ghlac mé páirt in imeacht “Indéanta a Bhuíochas d'Óstaigh (Aiteacha)” de chuid Airbnb níos luaithe an mhí seo. Plé bríomhar a bhí ann le grúpa de cheannairí Óstach aiteacha faoin gcaoi a gcuirimidne mar Óstaigh IADTA+ le rath Airbnb chun gach duine a chur ar a suaimhneas.

Anseo thíos is féidir leat a fháil amach conas cabhrú le haíonna IADTA+ mothú níos sábháilte i do spás, chomh maith leis an méid atá gnóthaithe agam as bheith bainteach le mo phobal óstála áitiúil.

Molaim d’Óstaigh, cibé dóigh a mothaíonn siad compordach, a rá gur spás sábháilte é a dteach d’aíonna LADTA+ ina gcur síos ar an liostú. In San Francisco, ní rud mór é lánúin chomhghnéis a fheiceáil ag siúl síos an na sráide agus greim láimhe acu ar a chéile. Ach do neart aíonna a thagann ó thíortha a bhfuil noirm nó rialacha éagsúla acu, is féidir leis an gcomhthéacs áitiúil seo iad a chur ar a suaimhneas.

Más féidir le hÓstach a chur in iúl d'aíonna ní hamháin go bhfuil siad ag teacht go cathair shábháilte, ach go bhfuil siad ag teacht chuig teach sábháilte freisin, d’fhéadfadh sé difríocht mhór a dhéanamh do shuaimhneas intinne an aoi. Ba chóir go mbeadh a fhios ag aíonna sula mbuailfidh siad cloigín an dorais go gcuirfear fáilte chroíúil rompu féin agus roimh a bpáirtithe comhghnéis, rud atá ar aon dul le misean Airbnb chun cuidiú le daoine “bheith ar a suaimhneas in aon áit.”

Tá aithne agam ar Óstaigh IADTA+ in San Francisco a bhfuil grianghraf acu ar a liostú le bratach tuair cheatha sa chúinne agus léiríonn a gcur síos a bhféiniúlacht agus an cineál gníomhaíochais a raibh siad páirteach ann.

Is féidir leat rudaí straitéiseacha a dhéanamh freisin chun cabhrú le haíonna IADTA+ a dhéanamh níos compordaí nuair a thagann siad, amhail treoracha aiteacha a thabhairt dóibh don chathair agus leabhair faoi stair IADTA+. Déanann sé sin difríocht mhór chun le cuidiú le haíonna a mhothú go bhfuil fáilte rompu.

Tar éis dom tosú mar Óstach, thuig mé nach raibh go leor áiteanna ann chun freagraí a fháil ar gach ceann de mo chuid ceisteanna.

Thosaigh mé grúpa tacaíochta pobail Óstach in 2012, agus táimid ag teacht le chéile gach mí ó shin i leith.

Is féidir leis an óstáil a bheith ina rud an-uaigneach. Mar sin de, is é an chomhairle atá agam d'Óstaigh nua páirt a ghlacadh i gClub Óstach áitiúil—nó tús a chur le ceann mura bhfuil sé ann fós. Seachas foghlaim conas a bheith i d’Óstach iontach ag baint úsáid as tástáil agus earráid, is féidir leat tuilleadh eolais a fháil trí eispéiris daoine eile—agus is féidir leat cairdeas iontach a chruthú.

Is mór an sásamh é cabhrú le hÓstaigh eile, idir bhunghnéithe na hóstála—amhail conas an t-ardán a úsáid—agus cuireadh a thabhairt do bhaill foirne Airbnb táirgí nua a mhíniú agus athruithe rialála a phlé ag ár gcruinnithe Club Óstach.

De ghnáth, ní bhíonn seanóirí chun tosaigh nuair a labhraíonn daoine faoi chuimsitheacht agus éagsúlacht sa phobal óstála—agus tá ár n-aird ag teastáil uathu i ndáiríre.

D’fhoghlaim mé go bhfuil seanóirí ar Airbnb ar cheann de na grúpaí is mó fás d'Óstaigh nua sna Stáit Aontaithe, agus bíonn na léirmheasanna is fearr i gcónaí ag seanóirí mná sna Stáit Aontaithe.*

Ceann de na rudaí is mian liom a dhéanamh mar bhall de Bhord Comhairleach na nÓstach ná próifíl na seanóirí a ardú agus a chinntiú go smaoiníonn Airbnb orainn agus táirge á réiteach acu.

Ceann de na cúiseanna áthais is mó a bhí agam le déanaí ná foghrúpa a bhunaigh mé d’Óstaigh níos sine ar a dtugtar Óstaigh Órga. Is ball mé, a bhfuil cárta agam, de American Association of Retired Persons (AARP). Mar sin, fad is atá tú incháilithe le bheith i do bhall cáilithe de AARP, is féidir leat a bheith mar chuid d'Óstaigh Órga.

Tá grúpa na nÓstach Órga ag fás, agus is ionann iad agus roinnt de na baill is ansa liom sa phobal óstála na laethanta seo. Sular bhuail COVID, théimis go teach duine de na baill gach mí le haghaidh dinnéir le chéile. Bhí sé ar fheabhas.

Sa chlub, tugann seanóirí eolas dá chéile faoin óstáil. Ar nós aon ghrúpa eile, is féidir le seanóirí foghlaim go tapa faoin teicneolaíocht agus na bealaí iomadúla digiteacha atá ag athrú ár saolta, nó d’fhéadfadh sé go mbeadh oiliúint nó tacaíocht dhírithe ag teastáil uathu a fhéadfaidh an teagasc is éifeachtaí a chur ar fáil.

• Páirt a ghlacadh i dTurais Óstach Dhomhanda Airbnb i mí na Bealtaine agus tuilleadh eolais a roinnt faoi fhaighteoirí an Chiste Phobail inár gceantair
• Dul i gcomhairle ar thionscnaimh éagsúlachta agus muintearais, amhail polasaithe inrochtaineachta
• Aiseolas ar Thacaíocht Pobail a chur ar fáil, amhail feabhsúcháin ar Ionad Cabhrach Airbnb

Faigh tuilleadh eolais faoi na rudaí a bhí ar bun ag Bord Comhairleach na nÓstach, agus coinnigh súil ar nuashonruithe míosúla agus leideanna ó bhaill an bhoird.

*De réir thuarascáil Airbnb, “Airbnb’s Growing Community of 60+ Women Hosts”