Cad iad Seomraí Airbnb?
Is féidir le do spás breise a bheith ina bhealach chun airgead a thuilleamh agus bualadh le daoine. Má tá seomra leapa breise agat, is féidir leat liostú a chur ar bun agus fáilte a chur roimh aíonna isteach i do theach.
“Tá sé an-tairbheach, agus ní hamháin ó thaobh airgid de,” arsa Eric, Sáróstach in Los Angeles. “Tagann aíonna go California chun a n-eachtra féin a bheith acu, ach is eachtra dheas é dúinn féin freisin, toisc nach bhfuil a fhios againn cé a bheidh ar an taobh eile den doras. Bímid ag foghlaim go leor faoi áiteanna ar fud na cruinne.”
Tá tóir ar sheomraí ar fud an domhain, agus iad sa tríú háit sna háirithintí i measc gach cineáil áite le fanacht ar Airbnb.* Is féidir le haíonna Seomraí a aimsiú agus a chur in áirithe tríd an gCatagóir Airbnb sin a chuardach nó Seomraí a roghnú ar an scagaire cuardaigh.
Seo an méid is gá a bheith ar eolas agat chun tús a chur le Seomra a óstáil.
Cad é atá incháilithe mar Sheomra?
Le Seomra, faigheann aoi seomra leapa príobháideach i dteach Óstaigh, chomh maith le rochtain ar áiteanna coiteanna a d'fhéadfaidís a roinnt le daoine eile.
Chun bheith incháilithe mar Sheomra, ní mór do liostú na critéir seo go léir a chomhlíonadh:
Tá a s(h)eomra leapa príobháideach féin, ar a bhfuil doras, ag an aoi.
Tá rochtain ag an aoi ar sheomra folctha príobháideach nó comhroinnte.
Tá rochtain ag an aoi ar spás coiteann amháin ar a laghad, amhail cistin, seomra suí nó cúlchlós.
Úsáideann Óstaigh a n-ainm féin ar a liostú in ionad ainm gnó nó eile.
Tá “Seomra” roghnaithe mar chineál an liostaithe nó an tseomra i socruithe liostaithe an Óstaigh.
Ní hionann seomra príobháideach agus seomra comhroinnte, óstán, ionad saoire, puball, carbhán, aonad neamhspleách (amhail bungaló sa chúlchlós), ná aon chineál eile réadmhaoine ar an liosta seo.
Mura gcomhlíonann do liostú na critéir seo, roghnaigh cineál eile áite nuair a chuirfidh tú do liostú ar bun.
Cén fáth a n-óstálfá Seomra?
Is féidir le seomraí breise i bhfad níos mó a dhéanamh ná deannach a bhailiú nó rudaí breise a stóráil. I measc na mbuntáistí a bhaineann leis an seomra leapa breise sin a iompú ina Sheomra tá:
Airgead a thuilleamh. In 2022, shaothraigh Óstaigh Seomraí os cionn $2.9 billiún USD ar fud an domhain, agus bhí an tuilleamh airmheánach níos mó ná 20% níos airde i gcompráid le 2021.**
Caidreamh a dhéanamh le daoine. Is féidir le hidirghníomhaíochtaí fiúntacha le taistealaithe a bheith ann mar thoradh ar do theach, do spéiseanna, do chultúr agus do léargais áitiúla a roinnt.
- An spás atá agat cheana féin a úsáid
. D'fhéadfadh do sheomra breise áit chompordach codlata a chur ar fáil d'aíonna atá ag íoc, gan go leor de na costais a bhaineann le háit a chur ar bun a thabhú, costais a d'fhéadfadh a bheith ag baint le teach iomlán a óstáil.
“Tá teach mór agam agus táim i mo chónaí liom féin, agus tá an suíomh agus an saol foirfe agam don óstáil,” arsa Ruth, Óstach in Perth, an Astráil. “Ní raibh orm go leor costas a íoc chun leapacha a cheannach, seomraí a athchóiriú, troscán a bhogadh, nó aon rud mar sin.”
Tapáil an cnaipe thíos chun liostú nua Seomraí a chur ar bun nó críochnaigh ceann a thosaigh tú roimhe seo.
*Bunaithe ar shonraí domhanda Airbnb a bailíodh idir Bealtaine 2022 agus Márta 2023
**Tuilleamh meánach na nÓstach Seomraí uile ar fud an domhain
Seans gur athraigh an t-eolas atá sa mhír seo ó foilsíodh í.