Cad is gá a bheith ar eolas ag Óstaigh faoi fhógra Airbnb

De réir mar a thosaíonn a lán áiteanna ar fud an domhain ag athoscailt, táimid ag súil leis an bhfilleadh taistil is mó le céad bliain. Le cuidiú leat ullmhú, nocht Brian Chesky, POF Airbnb, tuarascáil nua faoi na treochtaí a mhúnlóidh todhchaí an taistil.

Nocht sé freisin níos mó ná 100 uirlis, gné, agus uasghrádú nua ar Airbnb a chabhróidh le hÓstaigh ar fud an domhain leas a bhaint as an deis uathúil seo. Féach ar an bhfíseán thuas d’fhógra Brian, ina bhfuil tuilleadh sonraí.

Is é an téama comhsheasmhach ar fud na n-athruithe seo go léir ná rudaí a dhéanamh níos éasca:

• Níos éasca d’aíonna a bheith spreagtha, an liostú foirfe sin a fháil, agus áirithint a dhéanamh go tapa le gnéithe nua amhail cinn scríbe sholúbtha agus dátaí solúbtha
• Níos éasca d’Óstaigh nua tosú i gcúpla céim shimplí le tacaíocht fheabhsaithe agus acmhainní cabhracha
• Agus an rud is tábhachtaí, tar éis bliana nuair a bhí an óstáil níos deacra ná riamh, níos éasca d’Óstaigh a gcúraimí laethúla a bhainistiú, gliondar a chur ar gach aoi, agus a bheith rathúil ar Airbnb

De réir mar a ullmhaíonn go leor Óstach d’éileamh méadaithe ar thaisteal, theastaigh uainn ár n-uirlisí agus ár ngnéithe a dhéanamh níos cumhachtaí, níos iomasaí agus níos éasca le húsáid. Seo roinnt de na feabhsúcháin spreagúla atá déanta againn:

Aip agus láithreán gréasáin níos iomasaí agus níos comhsheasmhaí
Rinneamar roinnt athruithe tábhachtacha ar na príomhchnaipí nascleanúna ar aip agus láithreán gréasáin Airbnb chun é a dhéanamh níos éasca na rudaí a theastaíonn uait a fháil. Tar éis go leor aiseolais a fháil ó Óstaigh ar an ábhar seo, rinneamar taithí an úsáideora ar ár n-aip agus ar ár láithreán gréasáin comhsheasmhach ionas go bhfeicfidh tú na cnaipí agus na tábanna céanna, is cuma cén gléas atá á úsáid agat.

Féach céard atá athraithe

An táb 'Inniu': do leathanach baile óstála nua
Mar chuid den nuashonrú seo, tá bunáit nua cruthaithe againn le haghaidh Óstach ar a dtugtar an táb 'Inniu'. Cuireann an táb 'Inniu' na tascanna, na foláirimh agus na nuashonruithe is tábhachtaí in aon áit amháin, chun cabhrú leat do thascanna laethúla mar Óstach a bhainistiú ó scáileán amháin.

San am atá caite, dúirt Óstaigh linn gur thóg sé rófhada na rudaí a bhí ag teastáil uathu a aimsiú. Leis an táb 'Inniu', tá scáileán amháin—ar fáil ar gach gléas—ar féidir leat é a sheiceáil go tapa agus go héasca le smacht a bheith agat ar d'áirithintí, d'iarratais, d'fhiosraithe, do nuacht agus d'fholáirimh.

Faigh tuilleadh eolais maidir le do bhunáit nua

Bosca isteach níos fearr agus níos gasta
Tuigeann gach Óstach maith go dtosaíonn fanacht 5 réalta le cumarsáid iontach le haíonna. Is cuid ríthábhachtach de do bhosca uirlisí óstála é do bhosca isteach, agus tá roinnt nuashonruithe lárnacha tugtha isteach againn chun é a dhéanamh níos fearr.

Tá an bosca isteach nua suas le 10 n-uaire níos tapa agus tá príomhghnéithe ann amhail 'cuardaigh agus scag' ionas gur féidir leat teachtaireachtaí tábhachtacha a aimsiú go tapa. Chuireamar uirlisí sábhála ama leis freisin amhail teachtaireachtaí sceidealaithe agus freagraí gasta chun cabhrú leat do ghnáthamh óstála a uathoibriú agus a shimpliú.

Faigh tuilleadh eolais maidir leis na nuashonruithe seo

Treoracha Teachta nua uathoibrithe d'aíonna
Is iomaí uair a mbíonn cinniúint na háirithinte le brath ag an tseiceáil isteach. Fuaireamar aiseolas ó Óstaigh gur féidir leis go leor ama a thógáil agus bainistíocht á déanamh ar an tseiceáil isteach.

An mhí seo, tá uirlis nua á seoladh againn a chuirfidh an t-eolas is tábhachtaí don tseiceáil isteach le haghaidh gach áirithinte ag barr an táb 'Turais' d’aíonna go huathoibríoch 48 uair an chloig roimh an tseiceáil isteach.

Féach ar an Treoir Teachta nua agus ullmhaigh do cheann féin

Seirbhísí Tacaíochta Pobail Feabhsaithe
Is iad ár n-uirlisí Tacaíochta Pobail agus Ambasadóirí Tacaíochta Airbnb cloch choirnéil ár gcaidrimh le hÓstaigh. Bunaithe ar do chuid aiseolais, táimid ag déanamh ollchóiriú ar an eispéireas tacaíochta chun freastal níos fearr ort.

Áirítear leis seo dhá oiread líon na nAmbasadóirí Tacaíochta a a bheith againn i gcomparáid leis an am seo anuraidh, tosaíocht a thabhairt d’ionbhá ar fud ár gcumarsáide san Ionad Cabhrach, agus ár bpolasaithe a dhéanamh níos trédhearcaí agus níos comhsheasmhaí. Táimid ag obair freisin chun Tacaíocht Thiomnaithe do Sharóstaigh a chur ar fáil, ag tosú i Meiriceá Thuaidh ar an 30 Meán Fómhair 2021, agus cuirfear ar fáil de réir a chéile ar fud an domhain í i rith 2021.

Faigh tuilleadh eolais faoinár dTacaíocht Phobail uasghrádaithe

Níl sna hathruithe seo ach dornán de na feabhsúcháin atá déanta againn, breis agus 100 díobh ar an iomlán, a bheidh á nochtadh againn an mhí seo. Molaimid duit breathnú ar liosta iomlán na n-uasghráduithe, triail a bhaint as na huirlisí agus na gnéithe nua, agus aiseolas a thabhairt dúinn ar conas is féidir linn leanúint ar aghaidh ag feabhsú.