An fáth a bhfuil léirmheasanna tábhachtach

Cuidíonn léirmheasanna agus rátálacha le haíonna a chinneadh an bhfuil d'áit oiriúnach dóibh. D'fhéadfadh léirmheasanna agus rátálacha níos fearr níos mó áirithintí agus tuilleamh níos fearr a mhealladh.

Bíonn 14 lá tar éis seiceáil amach agat féin agus ag an aoi a chuir an fanacht in áirithe le léirmheas a dhéanamh ar a chéile. Postáiltear léirmheasanna tar éis don bheirt agaibh léirmheasanna a chur isteach nó tar éis dheireadh na tréimhse léirmheasa 14 lá—cibé acu is túisce.

Is féidir le haíonna aiseolas a roinnt ar na bealaí seo:

• Nóta príobháideach. Ní bhíonn a gcuid aiseolais le feiceáil ar do liostú agus ní théann sé i bhfeidhm ar do rátáil.
• Léirmheas poiblí. Bíonn an t-aiseolas le feiceáil ar do liostú agus ar do phróifíl. Má thugann tú freagra ar léirmheas poiblí, beidh do fhreagra le feiceáil faoina bhun.

Taispeántar na léirmheasanna is déanaí ar dtús mar réamhshocrú. Is féidir le haíonna léirmheasanna a chuardach agus iad a shórtáil de réir gairide, na rátála is airde nó na rátála is ísle.

Bain leas as aiseolas ó aíonna mar dheis chun an méid a thairgeann tú a fheabhsú. Léigh gach léirmheas, agus freagair go dearfach lena thaispeáint go bhfuil tú dáiríre faoin aiseolas sin.

Iarrtar ar aíonna a n-eispéireas foriomlán agus sé chatagóir a rátáil le réaltaí, idir ceann amháin agus cúig cinn. Ní hionann an t-eispéireas foriomlán agus meán na gcatagóirí eile.

Is iad seo a leanas na catagóirí:

• Seiceáil isteach. Cé chomh furasta agus a bhí sé an áit a aimsiú agus dul isteach?
• Glaineacht. Cé chomh maith agus a glanadh an teach sular tháinig an t-aoi?
• Cruinneas. An raibh an áit mar a raibh coinne ag an aoi léi bunaithe ar an liostú?
• Cumarsáid. Ó áirithint a dhéanamh go dtí an tseiceáil amach, cé chomh maith agus a rinne an tÓstach cumarsáid?
• Suíomh. Cad é barúil an aoi faoin gceantar agus faoin gcomharsanacht?
• Luach. Conas mar a bhí luach na háite i bhfianaise an phraghais?

Tar éis do thriúr aíonna do liostú a rátáil:

• Feicfear an meánrátáil réalta fhoriomlán gar do theideal do liostaithe sna torthaí cuardaigh agus ar do liostú.
• Feicfear na meánrátaí réalta catagóire os cionn léirmheasanna aíonna.
• Beidh rátáil fhoriomlán réalta gach aoi le feiceáil in aice lena léirmheas, rud a chuireann a c(h)uid aiseolais i gcomhthéacs.

Cuidíonn rátálacha le Airbnb Óstaigh agus liostuithe den scoth a shainaithint agus a aithint, sa chlár Sáróstaigh agus 'Mór ag Aíonna' freisin. 

Tugtar aitheantas do Sháróstaigh mar gheall ar an dea-theist atá orthu as fáilteachas den scoth. Ní mór do Sháróstaigh meánrátáil fhoriomlán 4.8 réalta ar a laghad a choinneáil agus critéir eile a chomhlíonadh. 

Is iad na tithe is Mór ag Aíonna 2 mhilliún de na tithe is ansa leis na haíonna féin ar Airbnb. Cuidíonn tosca éagsúla le tithe is Mór ag Aíonna a shainaithint, mar shampla, léirmheasanna den scoth agus rátálacha os cionn 4.9 réalta ar an meán, chomh maith le rátálacha arda do na sé chatagóir ar fad.

Is bealach amháin é léirmheas a thabhairt ar aíonna chun a mheabhrú dóibh léirmheas a dhéanamh ortsa. Bíonn do léirmheasanna le feiceáil ar leathanach próifíle an aoi a rinne an áirithint agus ar leathanaigh phróifíle na n-aíonna a ghlac le cuirí chuig an áirithint sin. Déan do dhícheall:

• Buíochas a léiriú. D'fhéadfá rud éigin a rá chomh simplí le: “Go raibh maith agat as bheith mar aoi againn!”
• Sonraí a thabhairt. D'fhéadfá an méid seo a scríobh: “Chloígh an t-aoi seo go docht lenár dtreoracha don tseiceáil amach."
• Bheith measúil. Smaoinigh ar aghaidh a thabhairt ar shaincheisteanna íogaire i nóta príobháideach.

Spreagfar thú aíonna a rátáil maidir leis an nglaineacht, an chumarsáid a rinne siad, agus conas mar a lean siad do rialacha tí. Cuidíonn do chuid aiseolais le príomhrialacha d'aíonna a chur i bhfeidhm, lena gceanglaítear ar aíonna caitheamh le do theach mar a chaithfidís lena dteach féin agus cloí le do rialacha tí.

Seans gur athraigh an t-eolas atá sa mhír seo ó foilsíodh í.