Rialacha tí cabhracha a shocrú
Le do rialacha tí, socraítear ionchais d'aíonna agus tugtar spléachadh dóibh ar do stíl óstála. Cuidíonn na rialacha le haíonna a mheas an bhfuil do spás oiriúnach dóibh sula gcuirfidh siad in áirithe é.
Do ghnáthrialacha tí a roghnú
Tá a rogha ag Óstaigh as sraith rialacha caighdeánacha tí a bhaineann leis na réimsí seo:
- Peataí
- Ócáidí
- Caitheamh tobac, vápáil agus toitíní leictreonacha
- Uaireanta ciúnais
- Amanna don tseiceáil isteach agus don tseiceáil amach
- Líon uasta na n-aíonna
- Grianghrafadóireacht agus scannánaíocht tráchtála
Tá do rialacha tí le feiceáil go soiléir i gceithre áit: ar leathanach do liostaithe, ar an scáileán nuair a chuirfidh aíonna do spás in áirithe, sa ríomhphost 'Pacáil do Mhálaí' d'aíonna, agus sa Treoir Theachta a gheobhaidh aíonna roimh an turas.
An tslí a gcuidíonn rialacha tí le tú féin a chosaint
Le príomhrialacha d'aíonna, is féidir aon riail a roghnóidh tú ón liosta gnáthrialacha tí a chur i bhfeidhm. Má sháraíonn aoi riail tí, is é an chéad rud ba chóir duit a dhéanamh cumarsáid a dhéanamh leis an aoi agus iarracht a dhéanamh an fhadhb a réiteach eadraibh féin. Mura féidir libh teacht ar réiteach, déan teagmháil le Tacaíocht Phobail chun cúnamh a fháil.
Rialacha breise a scríobh
Má tá riachtanais speisialta agat nach bhfuil san áireamh sa tacar rialacha caighdeánacha tí, is féidir leat iad a scríobh faoi rialacha breise. Is den chríonnacht é gan an iomarca rialacha a chur os comhair na n-aíonna, ach is féidir leat rudaí tábhachtacha maidir le nósanna áitiúla nó sláinte agus sábháilteacht a chur leis. Cúpla sampla ó Óstaigh:
- “Níl aon chosán againn. Tá láib againn. Mar sin de, iarraimid ar aíonna na bróga a bhaint toisc go bhfuil cairpéad ar fud an tí,” arsa Juliette, ball de Bhord Comhairleach na nÓstach in Nairobi, an Chéinia.
- “Dún agus cuir glas ar gach fuinneog agus gach doras nuair a fhágfaidh tú an svuít,” arsa Dave agus Deb, Óstaigh in Edmonton, Ceanada.
- “Ná coinnigh aon bhia sa seomra leapa,” arsa Momi, Óstach in Honolulu.
Caithfidh na rialacha breise go léir a bheith ag teacht le polasaithe agus téarmaí Airbnb, ár dtéarmaí seirbhíse agus ár bpolasaí neamhleithcheala.
Seans gur athraigh an t-eolas atá sa mhír seo ó foilsíodh í.