Conas teacht roimh dhúshláin óstála

In ainneoin do dhícheall a dhéanamh, tarlaíonn fadhbanna uaireanta. B’fhéidir nach féidir le haoi an eochair a d’fhág tú dó nó di a fháil, nó go bhfuil an phluiméireacht blocáilte. Cé gur annamh a bhíonn fadhb mhór ann, déanann Óstaigh rathúla plean do rudaí nach raibh aon súil agat leo.

Seo mar a mholann Diana, Sáróstach as Oakland, California, uaireanta óstála dúshlánacha a láimhseáil.

Baineann an óstáil leis an bpobal, agus cuimsíonn an pobal sin na daoine a chuidíonn le do ghnó óstála feidhmiú go réidh.

"Tá ainmneacha agus uimhreacha pluiméara, leictreora, agus glantóra tí réidh againn," a deir Diana. Agus í as baile, bíonn a deirfiúr ar dualgas ag Diana, arb í a hóstach cúltaca í. “Ní fhágtar i bponc muid choíche má thagann fadhb chun cinn.”

Cad is fearr ná a bheith ullamh chun aghaidh a thabhairt go tapa ar phíopa atá ag ligean tríd nó ar théitheoir briste? Cosc a chur ar an bhfadhb sular féidir léi tarlú.

“Tá seicliosta cothabhála agam a ndéanaim athbhreithniú air gach bliain,” a deir Diana. “Déanaim féin cuid de na tascanna seo, agus fostaím gairmithe do chinn eile. Tá gach spás difriúil, ach tá sé tábhachtach a fháil amach an rud a theastaíonn chun cuma iontach a choinneáil ar do spás d’aíonna."

Cuimsíonn seicliosta cothabhála bliantúil Diana:

• Gáitéir ina bhfuil duilleoga agus bruscar eile a ghlanadh
• Seiceáil a dhéanamh go bhfuil gach aonad teasa, aerála agus aerchóirithe ag feidhmiú
• Spéirléasacha atá deacair a shroicheadh a ghlanadh chun neart solais a choinneáil sa spás

Baineann cumarsáid éifeachtach le haíonna le bheith ionraic agus réalaíoch.

"Sílim go bhfuil sé an-tábhachtach gan an iomarca gealltanas a dhéanamh, ach ina ionad sin bheith an-mhaith ag déanamh cumarsáide," a deir Diana. “Fiú mura bhfuil réiteach agam, cuirim in iúl don aoi go bhfuil mé ag obair air."

Mar sin, nuair a phléasc píopa díreach sular tháinig aoi, d'ardaigh Diana an fón láithreach.

“Ghlaoigh mé agus chuir mé in iúl don aoi go rabhamar ag déileáil leis an gcás agus d’fhiafraigh mé an bhféadfaimis an t-am don tseiceáil isteach a chur siar,” a deir Diana. “Thairg mé seiceáil amach níos déanaí don aoi freisin, rud a thaitin go mór leo, agus d’fhág mé buidéal fíona agus nóta buíochais. I gcás go leor aíonna, bíonn cumarsáid oscailte agus comharthaí beaga buíochais— is cuma cé acu an fíon nó cárta bronntanais do shiopa caife áitiúil é—iontach."

“Tá doirse an-chasta againn nach mbíonn a fhios ag aíonna go minic conas iad a oscailt, cé gur chuir mé treoracha inár lámhleabhar tí agus agus inár dtreoracha don tseiceáil isteach,” a deir Diana. “Nuair a tharlaíonn sé seo, bím i gcónaí ag éisteacht lena gcuid frustrachais agus ansin bím ag caint leo go foighneach ar an bhfón nó go pearsanta."

Cúpla rud atá foghlamtha ag Diana ó bheith ag éisteacht lena haíonna thar na blianta:

• Cuir iontráil gan eochair ar fáil le go mbeidh sé níos éasca seiceáil isteach
• Cuir go leor solais lasmuigh ar fáil chun cabhrú le haíonna teacht go sábháilte sa dorchadas
• Iarr eolas taistil roimh ré agus athdheimhnigh na hamanna don tseiceáil isteach agus amach

D'fhéadfadh sé do dhúshlán a thabhairt nuair a thagann aíonna go luath nó nuair a sheiceálann siad amach go déanach agus nuair atá fadhbanna glantacháin ann. Seo roinnt smaointe chun fadhbanna féideartha a mhaolú:

• Luaigh am soiléir don tseiceáil isteach agus don tseiceáil amach agus tabhair an réasúnaíocht is bonn leo (“Seiceáil isteach ó 3:00pm amach, le do thoil, ionas go mbeidh am ag na glantóirí chun do sheomra a ullmhú”)
• Socraigh do roghanna áirithinte chun níos mó ama a fhágáil le haghaidh glantacháin
• Smaoinigh ar thairiscint d'aíonna a gcuid bagáiste a stóráil má tá a fhios agat go mbeidh siad ag teacht go luath
• Luaigh sonraí tábhachtacha—conas dul isteach i do spás, an chuma atá ar do spás, srl.—sa chur síos ar do liostú agus sna treoracha don tseiceáil isteach chun cabhrú le hionchais a shocrú

• Cuir lámhleabhar tí ar fáil ina bhfuil treoracha maidir le rochtain ar an Wi-Fi agus fearais chasta a úsáid