Leideanna chun cealuithe inchoiscthe a sheachaint

Agus an áirithint deimhnithe, ní bhíonn coinne ag aíonna le haon athrú uirthi. D'fhéadfadh cealuithe a dhéanann Óstaigh cur isteach ar a bpleananna taistil agus an bonn a bhaint den mhuinín inár bpobal agus d'fhéadfadh táillí nó iarmhairtí eile a bheith mar thoradh orthu. 

Seo duit roinnt leideanna chun cabhrú leat gan áirithintí a chur ar ceal ar chúiseanna inchoiscthe.

Cuir in iúl d'aíonna cathain is féidir leo fanacht i d'áitse.

• Oscail dátaí idir trí mhí agus dhá bhliain roimh ré.
• Cuir bac ar na dátaí nach féidir leat a óstáil.
• Seiceáil d'fhéilire go rialta lena chinntiú go léiríonn sé d'infhaighteacht.

Tá sé thar a bheith tábhachtach an infhaighteacht ar d'fhéilire a nuashonrú má tá tú ag úsáid Áirithint ar an bPointe. Le hÁirithint ar an bPointe is féidir le haíonna aon dátaí atá oscailte agat a chur in áirithe gan fanacht leat athbhreithniú a dhéanamh ar an iarratas.

Nuair a dheimhnítear áirithint aoi, cuirtear bac ar na dátaí sin ar d'fhéilire go huathoibríoch. Ní mór duit bac a chur de láimh ar aon dátaí nach féidir leat glacadh le háirithintí ar chúiseanna eile.

Dá bhfaighfeá áirithint ar dhátaí nach féidir leat a óstáil d'fhéadfadh táille chealaithe nó iarmhairtí eile a bheith mar thoradh air sin.

Tá do chuid socruithe roinnte ina dhá chluaisín: Praghsáil agus Infhaighteacht. Is féidir leis na huirlisí sin cabhrú leat na háirithintí atá uait a fháil, nuair atá siad uait. Mar shampla, is féidir leat:

• Tacú le do straitéis phraghsála. Bíonn smacht agat i gcónaí ar do phraghas, agus is féidir leat é a athrú ag am ar bith. Leis na huirlisí praghsála is féidir leat do phraghas a chur i gcomparáid le praghsanna liostuithe den chineál céanna in aice láimhe, lascainí a thairiscint ar thréimhsí fanachta níos faide agus praghsanna saincheaptha a shocrú ar dhátaí ar leith, amhail féilte agus an deireadh seachtaine. Is féidir leat Praghsáil Chliste a chasadh air freisin chun do phraghas a choigeartú go huathoibríoch de réir an éilimh áitiúil.
• Do roghanna áirithinte a shocrú. Bain úsáid as an tréimhse infhaighteachta chun a shocrú cé chomh fada roimh ré agus is féidir le haíonna áirithint a dhéanamh, idir trí mhí agus 24 mhí. I measc na roghanna eile tá: íoslíon agus uaslíon na n-oícheanta in aghaidh an fhanachta a shonrú, réamhfhógra suas le seacht lá a éileamh faoi áirithintí, agus bac a chur ar oíche nó dhó idir áirithintí mar am ullmhúcháin.
• Ceangail d'fhéilirí. Sioncronaigh d'fhéilire pearsanta agus d'fhéilirí óstála eile (má liostaíonn tú d'áit ar láithreáin gréasáin eile) le d'fhéilire Airbnb. Mar sin is féidir leat do chúraimí óstála a bhainistiú agus áirithintí dúbailte a chosc.

Tuigimid go mb'fhéidir go mbeidh ort áirithint a chur ar ceal ar chúiseanna nach bhfuil smacht agat orthu, amhail deisiúcháin éigeandála a dhéanamh. Más gá duit áirithint a chur ar ceal, bí cinnte agus:

• Déan athbhreithniú ar ár bpolasaithe. Mínítear inár bPolasaí Cealaithe d'Óstaigh na táillí agus na hiarmhairtí eile a bhaineann le cealú, agus cathain a d'fhéadfaí iad sin a tharscaoileadh. Mura bhfuil tú cinnte an gcáilíonn do chás, déan teagmháil le Tacaíocht Airbnb sula gcuirfidh tú an áirithint ar ceal. Níl cead agat áirithint a chur ar ceal ar chúiseanna a sháraíonn Polasaí Neamhleithcheala nó Polasaí Inrochtaineachta Airbnb.
• Tabhair go leor fógra d'aíonna. Mura féidir leat áirithint a óstáil— beag beann ar an gcúis—táthar ag súil go gcuirfidh tú an áirithint ar ceal in am trátha. Níl cead agat a iarraidh ar aíonna a n-áirithintí a chur ar ceal.
• Cloígh le rialacha agus rialacháin áitiúla. Léigh ár míreanna maidir le hóstáil stuama chun tuiscint níos fearr a fháil ar na dlíthe, na cánacha, na dea-chleachtais agus na cúinsí eile a bhaineann le freastal ar aíonna i do réigiún.

Nuair a chuireann Óstaigh áirithint ar ceal, oibrímid le haíonna chun cabhrú leo áit eile le fanacht a aimsiú.