Déan athbhreithniú ar do phraghas

Tá an praghas a mholtar le linn Airbnb Tús Maith bunaithe ar thosca amhail suíomh, saoráidí, agus éileamh ó aíonna ar liostuithe den chineál céanna. Beidh smacht agat i gcónaí ar do phraghas agus is féidir leat é a athrú ag am ar bith.

Má ghearrann tú praghas níos airde ar d'áit ná na háiteanna den chineál céanna in aice láimhe, seans go gcaillfidh tú áirithintí. Déan athbhreithniú ar do phraghas anois agus smaoinigh ar é a choigeartú go rialta chun do spriocanna tuillimh a bhaint amach.

Má thuigeann tú an t-éileamh áitiúil, d'fhéadfadh sé cabhrú leat praghas iomaíoch a ghearradh ar d'áit.

Téigh chuig d'fhéilire chun féachaint ar mheánphraghsanna liostuithe den chineál céanna in aice láimhe ar léarscáil. Is féidir leat a roghnú áiteanna atá curtha in áirithe nó nach bhfuil curtha in áirithe ar na dátaí a roghnaíonn tú a fheiceáil. Is iomaí toisc a shocraíonn cad iad na liostuithe atá den chineál céanna, mar shampla suíomh, méid, gnéithe agus saoráidí.

“Nuair a thuigimse an méid atá ag tarlú i mo cheantar, bíonn níos mó muiníne agam as mo phraghas,” arsa Felicity, ball de Bhord Comhairleach na nÓstach agus Sáróstach in New South Wales, an Astráil. “Bíonn a fhios agam má bhíonn an praghas is fearr agam gur ceart dom an fód a sheasamh, nó mura mbíonn gur cheart dom mo phraghas a ísliú."

Agus machnamh á dhéanamh agat ar do phraghas, cuimhnigh ar an méid seo a leanas:

• Treochtaí séasúracha. Is féidir leat do phraghsáil a choigeartú chun freastal ar an éileamh. Deir Lisa, Sáróstach in Accord, Nua-Eabhrac, go gcoinníonn sí a praghas ard sa samhradh toisc go bhfuil linn snámha aici agus gearrann sí praghas níos ísle sa gheimhreadh chun “áirithintí a choinneáil seasmhach i rith na bliana”.

• An praghas iomlán a íocann aíonna. Áirítear leis seo táillí seirbhíse Airbnb, cánacha, agus aon táillí breise, amhail táillí glantacháin nó táillí peataí. Roghnaigh dáta(í) ar bith ar d'fhéilire chun miondealú ar an bpraghas a fháil, an méid a íocfaidh aíonna san áireamh.

• An luach ar airgead a bhaineann le d'áit. Is féidir le nuashonruithe cabhrú leat níos mó aíonna a mhealladh. “Is bealach iontach iad an dearadh agus na saoráidí chun do phraghsáil agus d'áirithintí a threisiú,” arsa Katie Kay, ball de Bhord Comhairleach na nÓstach agus Sáróstach in Lake Arrowhead, California.

Is féidir le

Praghsáil Chliste cabhrú leat do phraghsáil a choigeartú go huathoibríoch. Úsáideann an uirlis na céadta tosca chun do phraghas a choigeartú go rialta de réir an éilimh. Socraíonn tusa do raon praghsanna, agus is féidir leat é a chasadh air agus as le haghaidh aon dátaí.

Socraíonn roinnt Óstach praghas tosaigh íseal sula mbíonn go leor léirmheasanna ag a liostú chun aíonna a mhealladh chun áirithint a dhéanamh. Is féidir le promóisin agus lascainí cabhrú le haíonna a mhealladh freisin. Ina measc seo tá:

• Promóisean do liostú nua. Bain lascaine 20% de do phraghas in aghaidh na hoíche do do chéad trí áirithint. D'fhéadfadh sé seo cabhrú leat léirmheasanna a fháil ar bhonn níos tapa.

• Lascaine luatháirithinte. Roghnaíonn tusa cé chomh fada roimh ré is gá d'aíonna áirithint a dhéanamh, idir mí amháin agus 24 mhí roimh an tseiceáil isteach.

• Lascaine ag an nóiméad deiridh. Líon bearnaí i d'fhéilire ar ghearrfhógra, idir lá amháin agus 28 lá roimh an tseiceáil isteach.

• Lascainí seachtainiúla agus míosúla. Bain céatadán den iomlán d'áirithintí a mhairfidh seacht n-oíche nó níos faide agus 28 n-oíche nó níos faide.

“Faighim tréimhsí fanachta níos faide trí lascainí seachtainiúla agus míosúla a thairiscint,” arsa Daniel, ball de Bhord Comhairleach na nÓstach agus Sáróstach sna hOileáin Chanáracha, an Spáinn. “De ghnáth, déanann aíonna áirithint le haghaidh seachtaine, agus is bua beag é sin”.

Seans gur athraigh an t-eolas atá sa mhír seo ó foilsíodh í.