Conas fáilte a chur roimh do chéad aíonna ar Airbnb

B'fhéidir go mbeadh ceisteanna agat faoi conas ullmhú le haghaidh do chéad aíonna. Seo duit roinnt leideanna chun eispéireas réidh a chur ar bun.

Cuir próiseas ar bun atá simplí iontaofa. Cuir eolas an bhealaigh go dtí d'áit, modh seiceáil isteach agus treoracha céim ar chéim don tseiceáil isteach i dtreoir theachta do liostaithe. Is fearr le go leor aíonna an áisiúlacht a bhaineann le féinseiceáil isteach, rud a ligeann dóibh dul isteach gan tú a bheith ann.

Beidh fáil ag aíonna ar do threoracha don tseiceáil isteach i sonraí a dturais 48 n-uair an chloig sula mbeidh siad le seiceáil isteach, nó 24 uair an chloig roimh an tseiceáil isteach má tá polasaí cealaithe solúbtha agat.

Tá gach aoi difriúil, ach bíonn a bhformhór ag súil go mbeidh rochtain acu ar rudaí áirithe agus ar eolas áirithe. Glac na céimeanna seo chun fanacht compordach a chur ar fáil.

• Ceannaigh soláthar na mbunrudaí. Ina measc sin tá tuáillí, línéadach tí, piliúir, gallúnach agus páipéar leithris.

• Bí ar fáil. Bíodh plean agat faoi fhadhbanna a réiteach go gasta agus cuir i gcuimhne d'aíonna gur féidir leo teagmháil a dhéanamh leat má tharlaíonn aon rud.

• Cuir lámhleabhar tí ar fáil. Tabhair eolas tábhachtach amhail conas rochtain a fháil ar an idirlíon agus fearais a úsáid. Fág leagan clóite in áit a mbeidh teacht ag aíonna air go furasta.

• Cuir treoirleabhar ar fáil. Roinn do chuid leideanna áitiúla, ina measc sin áiteanna itheacháin, siopadóireachta, fámaireachta agus gníomhaíochtaí amuigh faoin aer.

Gach uair a dhéanann tú caidreamh le haíonna, bíonn deis agat ionchais a shocrú agus a chur in iúl gur suim leat a gcuid riachtanas.

• Cruthaigh timpeallacht fháilteach. Tabhair tús áite do chleachtais ionchuimsitheacha chun na haíonna go léir a chur ar a suaimhneas i do spás. Fiafraigh d'aíonna ar dtús cad a chuirfeadh ar a gcompord iad.

• Bí tuisceanach. Déan iarracht féachaint ar gach cás ó dhearcadh an aoi.

• Freagair go pras. Má bhíonnráta freagartha maith agat, beidh áit níos airde ag do liostú i gcuardaigh aíonna ar Airbnb. Bain úsáid as an aip chun cumarsáid a dhéanamh go gasta agus cuir teachtaireachtaí sceidealaithe ar bun chun eolas úsáideach a chur ar fáil ag amanna tábhachtacha, amhail an tseiceáil isteach.

Seo duit cúpla teachtaireacht shamplach a d'fhéadfá a sceidealú ag amanna áirithe. Baineann na samplaí sin úsáid as gearrchóid, ionadchoinneálaithe a líonann isteach sonraí na háirithinte, an liostaithe agus an aoi go huathoibríoch. Cuir isteach as an roghchlár anuas iad, nó ní oibreoidh siad má chlóscríobhann tú de láimh iad.

Bíonn aíonna ag súil go bhfaighidh siad spás glan ar theacht dóibh. Cruthaigh gnáthamh glantacháin a chuimsíonn gach dromchla, gach urlár agus gach fabraic.

• Seiceáil an bhfuil smáil, salachar nó ribí ann. Is minic a dhéantar dearmad glanadh faoin leaba, i dtarraiceáin agus ar chlúdaigh fuinneoige.

• Roghnaigh bolaithe neodracha. Seans go gcuirfeadh bolaithe láidre de chineál ar bith as d'aíonna. Oscail na fuinneoga agus tú i mbun glantacháin agus bain úsáid as díghalráin éadroma ilfheidhme. 

• Bain earraí pearsanta nó cuir i dtaisce iad. Mar sin beidh d'áit níos fáiltí agus ní bheidh sé chomh trangláilte.

Beidh 14 lá agat féin agus ag d'aíonna tar éis seiceáil amach le léirmheas a dhéanamh ar a chéile. Ceiltear na léirmheasanna go dtí go mbeidh siad curtha isteach agat féin agus ag an aoi a rinne an áirithint nó go mbeidh an tréimhse léirmheasa 14 lá istigh. Is féidir le haíonna rátálacha réalta a thabhairt freisin ar a n-eispéireas foriomlán agus i sé fhochatagóir: glaineacht, cruinneas, seiceáil isteach, cumarsáid, suíomh agus luach ar airgead.

Tá tábhacht ar leith ag baint le do chéad chúpla léirmheas. Beidh do rátáil fhoriomlán le feiceáil ar do liostú tar éis duit trí léirmheas a fháil agus d'fhéadfadh tionchar a bheith aici sin ar a rangú sna torthaí cuardaigh. Smaoinigh ar theachtaireacht a sceidealú ar an lá don tseiceáil amach ina n-iarrann tú ar aíonna léirmheas a dhéanamh ar a bhfanacht.

Bí macánta measúil agus tú ag scríobh léirmheasanna, agus bain úsáid as na caighdeáin chéanna chun gach aoi a mheas. Cuidíonn an próiseas léirmheasanna le muinín a chothú as aíonna agus Óstaigh.

Seans gur athraigh an t-eolas atá sa mhír seo ó foilsíodh í.