Cad a tharlaíonn nuair a dhéanann aoi áirithint a chur ar ceal nó a athrú?

Tá an saol éiginnte, agus uaireanta bíonn ar aíonna a n-áirithintí a chur ar ceal nó a athrú. D'fhéadfá íocaíocht a fháil fós—nó eisíocaíocht mar a thugaimid air—fiú má chuireann aoi áirithint ar ceal, ag brath ar do pholasaí cealaithe agus cé chomh fada roimh ré a chuireann aíonna an áirithint ar ceal.

Seo go díreach an méid ar chóir duit a bheith ag súil leis má dhéanann d'aoi an áirithint a chur ar ceal nó a athrú, nó má iarrann sé nó sí aisíocaíocht pháirteach.

Má chuireann aoi an áirithint ar ceal, beidh feidhm ag do pholasaí cealaithe. Má tá eisíocaíocht dlite duit, seolfar an t-airgead chugat 24 uair an chloig tar éis an am sceidealaithe do sheiceáil isteach d'aoi de ghnáth.

Mar shampla, má tá polasaí cealaithe teann agat, agus má chuireann d'aoi áirithint ar ceal níos lú ná seacht lá roimh an tseiceáil isteach, íocfar 100% de do phraghas in aghaidh na hoíche leat ar gach oíche, lúide aon chánacha agus táillí. Seolfaimid é seo 24 uair an chloig tar éis an am sceidealaithe do sheiceáil isteach d'aoi. Ní bhfaighidh tú táille ghlantacháin, táille peataí ná táille d'aíonna breise mura seiceálann d'aoi isteach.

Beidh tú i gcónaí in ann taifead a fháil ar aon eisíocaíochtaí nó coigeartuithe i stair d'idirbheart.

Faigh tuilleadh eolais maidir leis an dóigh íocaíocht a fháil

Má athraíonn aoi an áirithint, is gnách go seolfaimid an íocaíocht 24 uair an chloig tar éis an am nua don tseiceáil isteach. Má tá tú ag óstáil tréimhsí fanachta níos faide, gheobhaidh tú eisíocaíocht mhíosúil as na háirithintí seo.

Mar shampla, má cheadaíonn tú iarratas ar athrú d'aoi a bheidh ag teacht ar feadh 10 lá i mí Lúnasa seachas 10 lá i mí an Mheithimh, agus má athraíonn sé nó sí, agus go leor ama ann roimh thús na háirithinte chun nach bhfuil feidhm ag do pholasaí cealaithe go fóill, seolfaimid d'eisíocaíocht 24 uair an chloig tar éis an am nua do sheiceáil isteach an aoi.

Má athraíonn aoi áirithint agus é nó í ag d'áit, d'fhéadfadh sé go mbeadh tionchar aige sin ar d'eisíocaíochtaí amach anseo.

Mar shampla, má sheiceálann aoi isteach i d'áit le haghaidh áirithint 20 lá, seolfaimis d'eisíocaíocht 24 uair an chloig tar éis an am don tseiceáil isteach. Ach má tá ar an aoi an áirithint a chur ar ceal agus an áit a fhágáil ar lá 10, agus má tá polasaí cealaithe solúbtha agat, bheifeá i dteideal íocaíocht a fháil as gach oíche a d'fhan sé nó sí, móide oíche amháin eile.

Má sheiceálann aoi isteach i d'áit agus é nó í ag súil le saoráid faoi leith a fheiceáil, ach má tá sí ar iarraidh nó briste, b'fhéidir go n-iarrfadh sé nó sí aisíocaíocht pháirteach. Mar shampla, má tá do thobán te briste gan choinne, agus más príomhghné de do villa é, d'fhéadfadh d'aoi teagmháil a dhéanamh leat chun aisíocaíocht pháirteach a iarraidh.

Ar ndóigh, níl neart agat air má tá ar aoi áirithint a chur ar ceal nó a athrú. Ach is féidir leat a bheith cinnte go bhfuil tú compordach le do shocruithe trí níos mó a léamh faoinár bpolasaithe cealaithe d'aíonna agus an ceann is oiriúnaí duit a roghnú.

Is smaoineamh iontach é freisin cothabháil rialta a dhéanamh agus cumarsáid a dhéanamh le haíonna ag uaireanta tábhachtacha, ionas go mbeidh tú muiníneach go mbeidh d'áit réidh chun fáilte a chur roimh aíonna—agus beidh tú in ann cabhrú má théann aon rud ar seachrán.

Seans gur athraigh an t-eolas atá sa mhír seo ó foilsíodh í.